Zemra ime u mbush me emocione të papërshkrueshme teksa vajza jonë, Kaltrina, vajza e Gurselit, mbajti fjalën e rastit në emër të familjes në akademinë përkujtimore me rastin e 00-vjetorit të rënies heroike të dy vëllezërve, Gursel dhe Bajram Sylejmani, në Konsullatën e Republikës së Kosovës në Cyrih, me nderimin dhe mikpritjen e konsullit Vigan Berisha.
Si bashkëshorte e Gurselit, për mua nuk ka qenë dhe nuk do të jetë kurrë e lehtë të flas për mungesën e tij. Por sot, mes dhimbjes së madhe që koha nuk e ka shuar, ndjeva edhe një krenari të jashtëzakonshme.

Për familjen tonë ishte një moment i veçantë dhe thellësisht emocional që Kaltrina të ngrihej për të folur në emër të familjes dhe të përcillte kujtimin e babait të saj, Gurselit, dhe axhës së saj, Bajramit dy vëllezërve që ranë heroikisht për atdheun.

Kujtimi për Gurselin dhe Bajramin do të jetojë përherë në zemrat tona dhe në kujtesën e brezave.

Lavdi e përjetshme dy vëllezërve, Gursel dhe Bajram Sylejmani!